О.Ариунтуяа: БНХАУ-аас гадна 48 улсад 3664 тохиолдол батлагдаж, 56 нь нас барсан байна.

Дэлхийн эрүүл мэндийн байгууллагын мэргэжилтэн О.Ариунтуяа:

-Хоёрдугаар сарын 28-ны 09:00 цагийн байдлаар БНХАУ-д  327 шинэ тохиолдол гарч нийт тохиолдлын тоо 78 мянга 894 болсон.

БНХАУ-аас гадна 48 улсад 3664 тохиолдол батлагдаж, 56 нь нас барсан байна.

COVID-19 халдварын тоо Иранд 248 тохиолдол бүртгэгдэж 26 хүн нас барсан, Италид 650 болж, 17 хүн нас барсан.  Японы хөлөг онгоцонд тусгаарлагдсан хүмүүсээс 705 хүн халдварлагдсан бол өндөр настай 4 хүн нас барсан байна. Энэ усан онгоцон дээрх халдварын тоо Япон дах халдварын тоонд ороогүй явж байгаа.

Японд 189 хүн халдвартай гэж бүртгэгдсэн, 4 хүн нас барсан.

БНСУ-д 256 тохиолдол шинээр бүртгэгдэж, нийт халдвар авсан хүний  тоо 2022 болж, 13 хүн нас барсан. Эднээс 182 тохиолдол нь Дэгү хотод бүртгэгдсэн.

ДЭМБ-ийн Ерөнхий захирал нь сүүлийн хоёр хоног дэлхий даяар гарсан тохиолдлын тоо нь Хятад улсад шинээр бүртгэгдсэнээс давж гарсан болохыг онцолсон. Мөн тархалтыг хязгаарлах боломжтой гэдгийг харуулж байна гэсэн. Зарим улсад нэмж халдвар бүртгэгдээгүй. Зарим улсад хоёр долоо хоног бүртгэгдээгүй байж байгаад өчигдрөөс бүртгэгдэж эхэлсэн. Вируст хил хязгаар, ДНБ зэргийг харгалзахгүй. Хүн бүр хийж чадах бүхнээ хийж бэлтгэлээ хангах хэрэгтэй гэж мэдэгдсэн.