Чоно борооноор гэгчээр АН-ын коронавирус далимдуулж “сурталчилгаа” хийж байна

Дэлхий дахинд өнөөдөр “Covid-19”-өөр 75 мянга гаруй хүн халдвар авснаас 2000 гаруй нь нас бараад байна. Бүхэл бүтэн улс үндэстэнг ч мөхөөх аюултай энэхүү тахлаас сэргийлж, сургууль цэцэрлэгийн үйл ажиллагааг хааж, хөл хорио тогтоож, сар шинийн уламжлалт баяр ёслолоо хүртэл өргөн хэмжээнд тэмдэглэхийг хориглосон. Харамсалтай нь өнгөрсөн сар шинийн баярын өдрүүдэд АН-ын зүгээс айл айлын хаалга тогшин “ЖДҮ хулгайч” нэртэй ном тараажээ. Сонгуулийн тухай хууль зөрчиж элдэв ном сэтгүүл тарааж байгаа АН-ынханд цар тахал, өвчин зовлон хөл хорио огт хамаагүй бололтой. Тэд улс төр хийхийн тулд улаарч, ном тараахаар гишүүдээ цуглуулж, тэд нар нь айл айлын хаалга тогшин ном тарааж байгаа аж. Монгол Улс 3 сая гаруйхан иргэнтэй, тал нь буюу 1.5 сая нь нийслэлдээ амьдардаг. Хэт төвлөрөл үүссэн энэ улсад нэг л хүн халдвар тараахад хичнээн ч хүнийг эрсдэлд оруулж чадна. Тиймээс АН-ыг хэтэрхий хувиа хичээсэн улс төрийн бохир үйл ажиллагаагаа зогсоохыг иргэд шаардаж байна.