Говь-Алтай аймгийн удирдлагууд яагаад ташаа мэдээлэл өгч, юу нуугаад байна вэ?

Д.Отгонбаяр даргаас Тамгын газрын дарга болсон гэдгээ тэмдэглэсэн үү? гэж асуухад “Томилогдоогүй байгаа” гэж хариулсан. Гэтэл Говь-Алтай аймгийн ЗДТГ-ын хүний нөөцийн бодлого хариуцсан мэргэжилтэн Идэшмаагаас мэдээлэл авах гэж байна. Үүний өмнө Тамгын газрын даргаар томилогдсон Д.Отгонбаяр гэдэг хүнээс ярилцлага авсан. Гэхдээ тэр хүн хаалган дээрээ Төрийн захиргаа, удирдлагын газрын дарга гэсэн өөр хаягтай байсан. Д.Отгонбаяр дарга нь талийгаачийг нас бардаг 18-ны өдөр Тамгын даргын газраар томилогдож, түүнийг ажлын хэсэг нь хүлээж авсан гэдэг мэдээг авсан. Ингэснээр Д.Отгонбаяр гэдэг хүн бидэнд бас л хуурамч мэдээлэл өгсөн болж таарч байгаа юм. Тэрээр өөрийгөө тамгын газрын даргаар томилогдоогүй, АТГ материалыг нь шалгаад хариу ирээгүй учраас намайг томилоогүй гэсэн утгатай тайлбар өгсөн байсан. Гэтэл 18-ны өдөр ажил хүлээлцэх таван хүний бүрэлдэхүүнтэй ажлын хэсэг гарч, түүний ажлыг хүлээлгэн өгч, тушаалыг гаргасан шийдвэрийн талаар Хүний нөөцийн бодлого хариуцсан мэргэжилтэн Идэшмаагаас тодруулсан юм.

-Д.Отгонбаяр даргыг аймгийн Тамгын газрын түр орлон гүйцэтгэгчээр томилуулахаар АТГ холбогдох материалыг явуулсан байсан. Над дээр бол яг албан ёсны хариу бичиг нь ирээгүй байгаа. Тэгээд 18-нд Тамгын газрын түр орлон гүйцэтгэгчээр томилуулах төсөл бэлтгэ гэсэн чиглэлийг надад өгсөн. Тэр төсөл нь бэлтгэгдээд бэлэн болсон. 19-нд бланклагдаад албан ёсоор гарахаар бэлдсэн. Өөрөөр хэлбэл төсөл нь бэлэн болоод гарын үсэг зурагдаагүй байсан. Төсөл бэлэн болгон гэсэн чиглэлийг Хуулийн хэлтсийн дарга Баттайван даргаас өгсөн.

Ажил хүлээлцэх ажлын хэсгийн бүрэлдэхүүнд Нийгмийн бодлогын хэлтсийн дарга Алтайбаатар, тэгээд миний бие, Хууль эрх зүйн хэлтсийн ахлах мэргэжилтэн, Тамгын газрын нягтлан бодогч, нярав гэсэн таван хүн орсон.

Хоёрдугаар сарын 19-нд гарын үсэг зурж баталгаажуулах ёстой байсан ч асуудал гараад хойшлуулсан.

***

Говь-Алтай аймгийн засаг дарга яагаад худлаа мэдээлэл өгөв? Д.Отгонбаяр Тамгын газрын дарга болсноо яагаад нуугаад байна вэ?