Төрийн захиргаа удирдлагын хэлтсийн дарга Д. Отгонбаяр: Архи уухад би байгаагүй

Төрийн захиргаа удирдлагын хэлтсийн дарга Д. Отгонбаяр: 

-Ийм харамсалтай хэрэг болсонд ар гэрт нь эмгэнэл илэрхийлье. Тухайн өдөр мэдээ бэлдэх гээд нэлээн орой болтол суусан. Тэгэхдээ хурлын өмнө ба хурлын дараа л талийгаачтай уулзалдаад, хуралд хамт суугаад өнгөрсөн. Түүнээс биш хурлын дараа хамт суугаад архи дарс уусан тийм юм надад байхгүй.

-Хурал хэдэн цагт тарсан бэ?

-Хурал найм өнгөрч байхад тарсан. Би тэгээд бичиг цаас гээд 10 өнгөрч байгаад харьсан. Би өөрийнхөө өрөөнд, IT-ийн өрөөнд мэдээтэй холбоотой юм хийж байгаад харьсан.

Талийгаач даргатай уулзах гэж байгаа бололтой үүдэнд нь сууж байсан. Ярилцаагүй болохоор ямар байсныг нь мэдэхгүй. Ямар ч байсан сууж байсан.

Үүрүүлж гарсныг нь би мэдэхгүй.

Засаг даргын өрөөнд архи дарс уусан асуудал байхгүй. Миний тухайд тамгын даргын албыг түр орлон гүйцэтгэх асуудал яригдаад АТГ газар шалгаж байгаа. Албан ёсоор шийдсэн зүйл байхгүй.

-Та өмнө нь Засаг даргын өрөөнд архи уугаагүй гэж байна. Гэхдээ өмнө нь даргын өрөөнд ахиж ороогүй гэж ярьж байсан. Үнэхээр ороогүй бол тэр хоёр хүн архи уусан үгүйг мэдэхгүй баймаар юм?

-Өрөөнд ороогүй биш ээ. Хуралд тараад, хурлын дараа захирамж шийдвэр гаргах гэж зөндөө л орж гарч, бичиг баримт танилцуулаад явж байгаа шүү дээ.Тэгэхэд бол ямар ч архи дарстай холбоотой юм юу ч болоогүй. Манай хэлтсийн дарга нар гээд бусад хүмүүс ч орж гараад явж байсан. Би 10 өнгөрч гарсан. Тэр үед талийгаач даргын өрөөнд байсан эсэхийг би мэдэхгүй. Би ямар ч архи дарс уугаагүй, шаардлагатай шинжилгээг ч авсан.