ХӨСҮТ-ийн ТСА-ны дарга А.Амбасэлмаа: Сэжигтэй хүмүүсийг тусгаарлаж байгаа нь хүний эрхийг зөрчсөн хэрэг биш

ХӨСҮТ-ийн Тандалт судалгааны албаны дарга А.Амбасэлмаа:

-Хүмүүсийг тусгаарлаж байгаа нь хүний эрхийг зөрчсөн хэрэг биш. Юуны өмнө сэжигтэй тохиолдлыг бид хүний эрхийг зөрчих хэмжээнд хүргэхгүй. Хоёрдугаарт, халдварт өвчнийг олон нийтэд тараахгүйн тулд Монгол улсын бусад бүх хүний өмнөөс, тэдгээр хүмүүсийг эрх ашгийн өмнөөс бид нар голомтод бүс нутагт зорчиж яваад ирсэн хүмүүсийг тусгаарлаж ажиглалтад авч байгаа юм.  Дүрэм журмаараа явж байгаа асуудал. Тэгээд 14 хоногийн дараа ямар нэг шинж тэмдэг илрэхгүй байдал хэвийн байвал ажиглалтаас гаргана.

ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл: 

-Бид БНХАУ-ын хилийн дагуу хязгаарлалт хийж байна гэдгээ хэлээд эдгээр хүмүүст хоёрдугаар сарын 7-н хүртэл хугацаа өгсөн. Гэтэл энэ хүмүүс тэр хугацаанд багтаж эх орондоо буцаж ирээгүй. Ийм учраас хүн ам шигүү оршин суудаг том хот суурин газар руу оруулахгүйгээр нууц үеийнх нь хугацаанд тусгаарлаж байгаад эрүүл гэсэн цагт явуулна.