ЦЕГ: Аймгийн удирдлагууд архидан согтуурсан байж болзошгүй

Говь-Алтай аймгийн Засаг дарга В.Ренчиндоржийн албан ажлын  өрөөнд хүн амиа алдсан эмгэнэлтэй хэрэг гарчээ. Харамсалтайгаар амиа алдсан эмэгтэй нь аймгийн ГБХЗХХ-ийн даргаар томилогдон ажиллаж байжээ.Энэ талаар Цагдаагийн газраас тайлбар хийж байна.

ЦЕГ-ын хэвлэлийн ажилтан М.Мөнхшүр:

-Өнөөдөр өглөө үүрээр 4 цаг 20 минутын орчим иргэн автомашиндаа нас барсан гэсэн мэдээ ирсэн. Хэргийн газар ажиллаад 30-н настай Б. гэгч эмэгтэй нас барсныг тогтоосон. Урьдчилсан байдлаар аймгийн Засаг дарга гэсэн субъектууд өрөөнд архи уусан тухай мэдээг шалгаж байна. Өндөржүүлсэн бэлэн байдлын үеэр хүмүүсийг бөөгнөрүүлж архидан согтуурсан тогтоогдвол цагдаагийн байгууллагаас хариуцлага тооцно. Үүний шалгаж байна. Шалгалтын ажилд хугацаа орно. Гэрчүүдээс мэдүүлэг авч байна.