Амьсгалын аппараттай иргэнийг үл тоон асрамжийн газрын цахилгааныг тасалжээ

"Бат гэрэлт ирээдүй" асрамжийн газар хөдөлмөрийн бэрхшээлтэй, өндөр настан 56 хүн байдаг. Энэ байгууллагыг цахилгааны төлбөр хийгээгүй гэж цахилгааныг нь тасалсан байна. "Бат гэрэлт ирээдүй" ТББ нь 2011 оноос үйл ажиллагаа явуулж байгаа. Тус байгууллага нь тендер зарлаж санхүүжилт авдаг юм байна. Энэ жилийн санхүүжилтээ авч чадаагүй байгаагаас төлбөрөө хийж амжаагүй байгаа юм байна. Үүнээс болоод Сонгинохайрхан дүүргийн цахилгаан түгээх сүлжээнд 1,5 саяын өртэй болсон аж. Гэхдээ найман зуугаад мянган төгрөгийг нь төлсөн, одоо 500 гаруй мянган төргөгийг үлдэгдэлтэй.

-Манай цахилгааныг таслахаар 3 байцаагч ирсэн. Ирэхэд нь хэлсэн. Амьсгалын аппараттай хүн байна, түргэн тусламж дуудсан байна гээд хэлсэн. Үлдэгдэл мөнгийг энэ сардаа багтаагаад өгнө гэж хэлсэн. Гэтэл ажлаа хийж байна, тэр хүмүүс үхэх сэхэх бидэнд бараг л хамаагүй гээд салгаад явсан. Энд байгаа хүмүүсийн 90 хувь нь бие даах чадваргүй, байнгын арчилгаа, асаргаа шаардлагатай хүмүүс. Таталттай, оюуны хомсдолтой, сахартай, гэнэт комд орж магадгүй хүмүүс байдаг. Цахилгаангүй маш хэцүү тул яалт ч үгүй танайхыг дуудлаа. Цахилгаангүй болохоор наад зах нь паар нь хөлдөхөөр энэ 50 хүнийг яах вэ? Энэ олон хүнийг би бүгдийг нь гэртээ багтааж шингээх боломжгүй. Хол унд ч асуудалтай боллоо.