Эрчим хүчний сайд асан М.Сономпилд оноосон ялыг хэвээр үлдээв

Эрчим хүчний сайд асан М.Сономпилд холбогдох хэргийн шүүх хурал өнгөрсөн зун  /2019.07.24/ Хан-Уул дүүргийн Эрүүгийн хэргийн анхан шатны шүүхэд болсон билээ. Түүнийг Эрчим хүчний сайдаар ажиллаж байх хугацаандаа эрх мэдлээ урвуулан ашиглаж  Дарханы дулааны цахилгаан станцад хаягдал үнсний сан шинээр барих сонгон шалгаруулалтад “Хотгор зам: компанийг шалгаруулах үүрэг өгсөн байдаг.

М.Сономпилд анхан болон давж заалдах шатны шүүхээс дөрвөн жилийг ял оноосон. Тэгвэл Улсын Дээд шүүхийн хяналтын шатны эрүүгийн хэргийн шүүх хуралдаанаар М.Сономпилд холбогдох хэргийг өнөөдөр /2020.2.17/-ны өдөр хянан хэлэлцээд анхан болон давж заалдах шатны шүүхийн шийдвэрийг хэвээр үлдээлээ. Ялыг нээлттэй хорих байгууллагад эдлүүлэхээр шийдвэрлэсэн юм.