Т.Бадрал: Шаардлагатай бол хот руу орох хөдөлгөөнийг хаана

ОБЕГ-ын дарга, хошууч генерал Т.Бадрал:

-Өвчин анх бүртгэгдээд, албан ёсоор зарласнаас хойш 47 хонож байна. Энэ хугацаанд эрсдэл буураагүй тул Монголын ард түмэн нэг удаа Цагаан сарыг хойшлуулах нь зүйтэй л гэж ярьж байгаа юм. Хүн бүр өөрсдийнхөө аюулгүй байдлыг хариуцах ёстой. Энэ бол төр засгийн хийх ажил биш хувь хүний хийх ажил. Цагаан сартай холбоотой золголт, шинэлэхийг  зогсоохгүй бол тухайн хүнд хариуцлага тооцно. Өөр арга байхгүй. Төрийн захиргааны бүх байгууллагууд үүн дээр ажиллана. Ийм мэдээлэл байвал аймаг, орон нутгийн онцгой комисст шууд ирүүлэх хэрэгтэй. Цагаан сараар хот руу орох ба гарах замыг хаана. Цаашдаа БНХАУ-д байдал сайжрахгүй бол хөл хориог гуравдугаар сарын 2-оос цаашаа үргэлжлүүлж магадгүй нөхцөл байдал үүснэ гэж шадар сайд хэлсэн. Үргэлжлүүлэхээр бол 3-5 хоногийн өмнө урьдчилаад мэдэгдэнэ.

-Сайн малчны шагналын асуудлыг?

-Сайн малчны шагналыг гуравдугаар сарын 2-оос хойш олгохоор болсон. Аймаг орон нутгийн, Засгийн газрын болон УИХ-ын гишүүд энэ арга хэмжээнд оролцохгүй гэдгээ мэдэгдсэн.

-Зах, худалдааны төвүүдийн үйл ажиллагааны талаар?

-Зах худалдааны төвүүдээр маскгүй хүмүүсийг үйлчлүүлэхгүй. Тухайн байгууллага нь үүн дээр хяналт тавина.

-Шашны байгууллага, хурал ном хурах талаар?

-Шашны байгууллагуудын үйл ажиллагааг хаана.