Коронавирусын асуудлаар ЭМЯ-аас мэдээлж байна

ЭМЯ-наас шинэ коронавирусийн халдварын нөхцөл байдлын талаарх ээлжит 11.00 цагийн мэдээлэл хийлээ.

-2020 оны хоёрдугаар сарын 17-ны  10:00 цагийн байдлаар нийт тохиолдлын тоо 71 мянга269, нас баралт 1773 байна. Эдгэрсэн хүмүүсийн тоо 10 мянгын давсан байна.

-Эмнэлгүүд нь халдвар эрсдэл өндөртэй газар тул зайлшгүй шаардлагатайгаас бусад тохиолдолд эмнэлэгт хандалгүй утсаар зөвлөгөө авч, гэрээ эмчилгээ хийх хэрэгтэй. Нийслэл рүү ордог 8 авто замын шалган нэвтрүүлэх дээр ажиглалт, хяналтын цэг ажиллаж байна.

-Вирусийн өвөрмөц эмчилгээ хараахан гараагүй байна. Хамгийн идэвхтэй туршиж байгаа шинэ эмийг 4-р сард туршиж дуусна. Коронавирусийн вакцин 18 сарын дараа гарна.

-Галт тэргэнд тусгаарлагдсан гээд байгаа 105 хүнийг Замын-Үүдийн 3 зочид буудалд байрлуулж, тусгаарласан. 15-аас хойш орж ирэх хүсэлт гаргасан хүмүүст тусгаарлах зардлаа өөрсдөө төлнө. Учир нь, өмнө нь анхааруулж олон хоног хүлээсэн.

-Хоёрдугаар сарын 16-нд тусгаарлагдсан хүмүүсийн шинжилгээ сөрөг гарсан. Баян-Өлгийн тохиолдлыг эмнэлгийн тусгаарлах өрөөнд тусгаарласан. Олон газраар оруулахгүй, олон хүнтэй уулзуулахгүй байх зарчмыг баримталж байна.