Гэр хорооллын гудамжуудаар явган эргүүлүүд ажиллана

Нийслэлийн онцгой байдлын комисс коронавирусээс урьдчилан сэргийлэх арга хэмжээ ба нийслэлийг шахмал түлшээр хангах асуудлын талаар мэдээлэл хийхдээ дараах тайлбарыг хийсэн байна. Үүнд:

-Цагаан сарыг нийтээр тэмдэглэхгүй тул хотын явган эргүүлийг хотын төв, гэр хорооллын гудамжаар ахмадуудыг дайчлан ажиллуулахаар шийдсэн. Эргүүл нь нус цэрээ хаяхгүй байх, маск тогтмол зүүх зэргийг иргэдэд анхааруулна. ЭМЯ-аас мессежүүд иргэн бүрд хүрч байгаа.

-Нийслэлийн мэргэжлийн хяналтын газар амралтын өдрүүдээр авто тээврийн 3 товчоон дээр хяналт хийлээ. Амралтын өдрүүдэд түүхий нүүрс нэвтрүүлэх гэсэн оролдлого гараагүй.

-Томуу төст өвчний талаар 95 мянган үзлэг хийгдсэн. Өвдсөн хүүхдийн 26 хувь нь 0-4 насны хүүхдүүд. 16-ны байдлаар 517 хүүхэд эмчлүүлж байгаагаас дийлэнх нь амьсгалын замын өвчин туссан.Товчоонууд дээр 130 мянган зорчигч үзлэгт хамрагдсан. Үзлэг хийх хугацаанд сэжигтэй тохиолдол илрээгүй

-Барьцалдуулагчийн хомсдол үүсэхгүй өдөрт 100-120 тонныг оруулж ирж байгаа. Борлуулалтын цэгүүд дээр хомсдол үүсэхгүй, үүсвэл Тавантолгойд мэдээлэн цаг тухайд нь арга хэмжээ авч байгаа. Өнгөрсөн амралтын өдрүүдэд мэдрэгчтэй хоёр айл угаартсан гэсэн мэдээ ирсэн. Нэг айл нь үүрээр галласан. Цог дээр шахмал нүүрс нэмж хийж болохгүй гээд байхад хийж угаартсан, мэдрэгч ажилласан. Тэгээд гадагшаа гарч тусламж дуудсан. Өөр нэг айл мэдрэгчийг хэт дор байрлуулж, зай нь пэмбийснээс болоод байнга дуугарч байсан тул зайг нь салгаж авсан тохиолдол гарсан. Мэдрэгч дуугарсан тохиолдолд агаар сэлгэлтийг дуугарахаа зогсоох хүртэл тасралтгүй хийх ёстой. Зарим нь чихэнд чийртэй дохио гаргаад байна гэж зайг авах тохиолдол гарч байна, ингэх ёстой.

-Эргүүл хийж байгаа хүмүүс торгох эрхгүй. Нийслэлийн байгууллагууд ажилтнуудаа гаргана, мөн чөлөөнд гарсан хүмүүсийг дайчилна. Тэд зөвхөн шаардлага тавина.