ГХЯ-ны Консулын газрын захирал Л.Мөнхтүшиг: Хөх хот, Эрээнд байгаа 50 орчим иргэнээ яаралтай авчирна

ГХЯ-ны Консулын газрын дарга Л.Мөнхтүшиг:

-БНХАУ-д байгаа МУ-ын иргэдийг авчрах ажлыг ГХЯ-нд хариуцуулсан. Иймд Бээжинд байгаа манай ЭСЯ, Шанхай, Хөх хот, Эрээнд байгаа Консулын газрууд байгаа иргэдийг ахин бүртгэлжүүлж байна. Өнөөдрийн байдлаар бидэнд хандаж бүртгүүлсэн 400 орчим иргэн байна. Эдгээр иргэд эх орондоо эргэж ирэх хүсэлт гаргавал зохион байгуулалттайгаар авчрах зохион байгуулалт хийнэ. Энэ талаар одоо судалгаа явуулж байна. Эхний ээлжид Эрээн болон Хөх хотоос буцахаар галт тэрэгний тасалбар авсан хүмүүс, Эрээнд хил гарахаар хүлээж байсан хүмүүсийн асуудлыг шийдэхээр ажиллаж байна. Одоогоор 50 орчим хүн байгаа гэсэн мэдээлэл байна. Хятадаас ирэх монгол иргэдийг хил давсан даруйд нь 14 хоног тусгаарлах арга хэмжээг авна. Өнөөдрөөс эхлээд орж ирж байгаа Монголын иргэдийг 14 хоног тусгаарлана гэж ойлгох хэрэгтэй.