Хонконгт коронавирусийг нэг цагийн дотор илрүүлдэг төхөөрөмж бүтээжээ

Хонконгийн политехникийн их сургуульд амьсгалын замын 30-40 төрлийн өвчин үүсгэгч, түүний дотор шинэ коронавирус ба шувууны томууг нэг удаагийн сорьцоор нэг цагийн дотор илрүүлж чаддаг шинэ систем бүтээсэн тухай “Синьхуа” агентлаг мэдээлж байна.

Тус их сургуулийн инноваци ба технологийн хөгжлийн захирал Теренс Лау Локтины удирдлага дор бүтээсэн гэж байна. Тус систем нь бүрэн автоматжсан төхөөөрөмж ба генетикийн судалгаа явуулдаг мультиплекс дэлгэцээс бүрддэг аж.

Тус системийг дөрвөн жилийн өмнөөс бүтээж эхэлсэн юм байна. Хятадад шинэ төрлийн коронавирусийн тархалт гарснаар эрдэмтэд ажлаа улам эрчимжүүлснээр богино хугацаанд бэлэн болгоод туршиж үзэхэд маш сайн үр дүн харуулжээ.