2019 онд 10 хүн хар тамхи хил нэвтрүүлэхээр завдсаны 9 нь МУ-ын иргэд

Өнгөрсөн 2019 онд улсын хилээр есөн удаа хар тамхины төрлийн бодис нэвтрүүлэхийг завджээ. Түүний нийт хэмжээ 4.5 кг байсан байна. Харин сүүлийн гурван жилийн байдлаар 31 удаа хар тамхины төрлийн бодис хилээр нэвтрүүлэхийг завдсаныг ГЕГ таслан зогсоосон байна.Эд мөрийн баримтаар хураагдсан хар тамхины төрлийн бодисуудын тухайд ЛСД 13 ширхэг, хашиш 3020гр, меми 640 гр байжээ. Уг хэргүүдэд арван  иргэн холбогдсоны нэг нь Нигер улсын иргэн бөгөөд тэрбээр Тайландаас 258гр мөс илгээмжээр явуулсан байжээ. Бусад есөн иргэн нь МУ-ын иргэд бөгөөд тэд ихэвчлэн илгээмж хэлбэрээр хууль бус бараа тээвэрлээд баригдсан байна. 

Тэгвэл 2018 онд 15 удаагийн үйлдлээр 142 гр, 54 ширхэг мансууруулах эм, сэтгэцэд нөлөөт бодисыг хурааж, эд мөрийн баримтаар хураажээ.Уг хууль бус үйлдлүүдэд 10 хүн холбогдсоны нэг нь ОХУ-ын иргэн, бусад нь МУ-ын иргэд байна. Тэд хар тамхины төрлийн бодисоо ихэвчлэн илгээмж хэлбэрээр АНУ, Их Британи, Нидерланд, улсуудаас илгээжээ.