Ял эдэлсэн 13011 хүн 2019 онд дахин гэмт хэрэгт холбогджээ

Гэр бүлийн хүчирхийлэл үйлдэх гэмт хэрэг 82,6 хувиар, сэтгэцэд нөлөөт бодисыг хууль бусаар ашиглах хэрэг 32,8 хувиар өссөн байна

Ц.Амарсанаа:

 -Шүүхийн ачаалал нийслэлийн дүүргийн эрүүгийн хэргийн анхны шатны шүүхийн нэг шүүгчид 2017 онд 68,9 хэрэг ногдож байсан. 2018 онд 123,6 хэрэг ногдож, 2019 онд 138,9 хэрэг ногдож байжээ. Сум дундын шүүхэд

Аймгийн сум дундын анхан шатны эрүүгийн хэргийн шүүхэд нэг шүүгчид 2017 онд 63, 2018 онд 76,6 хэрэг, 2019 онд 86,1 хэрэг ногдож байжээ. Сум дундын шүүхийн нэг шүүгч 2017 онд 28,3 хэрэг, 2018 онд 28,4 хэрэг, 2019 онд 34,4 хэрэг ногдож байжээ.

Ингэснээр сүүлийн гурван жилийн хугацаанд дүүргийн анхан шатны эрүүгийн хэргийн шүүгчийн ачаалал 55,3 хувиар өссөн. Аймаг дах эрүүгийн хэргийн анхан шатны шүүхийн ачаалал 32,1 хувиар,  сум дундын шүүхийн нэг шүүгчийн ачаалал 18 хувиар нэмэгдсэн.

-Давж заалдах ба хяналтын шатны шүүхийн ачаалал бас нэмэгдсэн. Давж заалдах шатны шүүгчийн ачаалал 14 хувиар, хяналтын шатны шүүгчийн ачаалал 64 хувиар нэмэгдсэн.

-2019 онд 13 мянга 427 хэргийг шийдвэрлэснээс 7362 хэргийг дүүргийн анхан шатны эрүүгийн шүүх шийдсэн. 5192 хэргийг аймгийн сум дундын эрүүгийн шүүх шийдсэн, 873 хэргийг сум дундын шүүх шийдвэрлэжээ.