Коронавирусийн халдварын асуудлаар ЭМЯ-наас мэдээлж байна

ХӨСҮТ-ийн захирал Д.Нямхүү:

-Амралтын өдрүүдэд 3 тохиолдол тусгаарлагдсан. Өвөрхангайд тусгаарлагдсан хүний тусгай шинжилгээ байхгүй гэж гарсан. А хүрээний H3N2 вирус илэрсэн. Сөүл-УБ онгоцноос ирсэн бас нэг тохиолдол мөн адил сөрөг гарсан. 2-р сарын 9-ний тохиолдол коронавирус байхгүй гэж гарсан. Мөн адил А хүрээний H3N2 вирус илэрсэн. Цаашдаа анхаарлаа сулруулахгүй энэ чигээрээ хэвээр ажиллах хэрэгтэй. Сарангэрэл сайдын Цагаан сарыг бүрэн хориглох тухай санаачилгыг дэмжвэл иргэдэд их амар болно. Тэгээд ч Хятадад цагаан сар хийхийг зөвшөөрсөн нь том алдаа гэж үзээд байгаа. Олон хүн айлчилснаар халдвар хурдан тархах нөхцөл бүрдсэн гэж үзээд байгаа.

ЭМЯ-ны Нийгмийн эрүүл мэндийн газрын дарга Д.Нарангэрэл:

-Хятадын нутаг дах Халиут гэдэг газар, манай хилээс 120 км газар бүртгэгдсэн хэрэг. Ийм учраас бид өвчин гарсан бүс нутаг руу аялахгүй байхыг уриалаад байгаа юм.

Хятадад шинэ төрлийн коронавирусээр үүсгэгддэг уушгины хатгалгааны улмаас ням гарагт 97 хүн нас барснаар нийт нас барсан хүний тоо 908 хүрчээ. Харин халдвар авсан хүний тоо 40171 хүрсэн байна.

Мөн ням гарагт 632 бүрэн эдгэрч эмнэлгээс гарсан байна. Коронавирусын улмаас нас барсан хүний тоо 2002-2003 онд дэгдсэн амьсгалын замын цочмог халтай хам шинжийн /SARS/ улмаас нас барсан хүний тоог хэдийн давжээ. Тухайн үед уг халдварын улмаас дэлхий даяар 774 хүн нас баржээ.

Харин МУ-д энэ өвчний халдвар бүртгэгдээгүй байна.