ГЕГ: БНХАУ-аас тахианы мах, махан бүтээгдэхүүн өндөг, тэжээл оруулж ирэхгүй байх арга хэмжээг авч ажиллаж байна

ГЕГ-ын Эрсдэлийн удирдлагын хэлтсийн гаалийн улсын ахлах байцаагч Г.Энхтайван:

-2019 он Хунань мужаас гаралтай H5N1 шувууны томуу, Шинжаан мужаас гаралтай H5N6 шувууны томууны вирус дэгдсэн. Үүнтэй холбоотойгоор ЭМЯ-аас тахианы мах, махан бүтээгдэхүүн, өндөг, тахианы тэжээл гэх мэт өндөр эрсдэл дагуулан бараа, бүтээгдэхүүнийг хязгаарлах зөвлөмж бичгийг хүргүүлсэн.

Манай улс 2020 оны 1-р сард 1200 тонн тахианы мах, 13,3 сая ширхэг өндөг импортлон оруулж ирсэн. Эндээс тахианы махыг зөвхөн БНХАУ-аас оруулж ирсэн байсан. Харин хоёрдугаар сар гараад тахианы махны импорт бүрэн зогссон.

Харин өндгийг манайх 100 хувь ОХУ-аас оруулж ирдэг байгаа.

Амны хаалт ба ариутгалын бодисын хяналт, шалгалтыг чангатгах ба дэмжлэг үзүүлэх тухай гаалийн хороодод зөвлөмж хүргүүлсэн. Ингэснээр эмнэлгийн зориулалтаар ашиглах амны хаалтыг, ЭМЯ-ыг тусгай зөвшөөрөлтэйгөөр, хувь хүмүүсийн амны хаалтыг тусгай зөвшөөрөлгүйгээр гаалийн татвараас чөлөөлөн нэвтрүүлдэг болсон.

Дэлхийн гаалийн байгууллага манай улсад мэдэгдэл ирүүлсэн. Мэдэгдлийн дагуу эрүүл мэндийн газруудтай тогтмол мэдээлэл солилцож ажиллаж байна.