Ч.Гантулга: Утаа шүүгч яндангаас гарч байгаа утааг хичнээн хувиар бууруулахыг хэмжих багаж байхгүй

Орчны бохирдлыг бууруулах үндэсний хорооны ажлын албаны дарга Ч.Гантулга:

-Эхний ээлжид агаарын чанарыг сайжруулах 6-н дүүрэгт түүхий нүүрсийг хориглосон. Зургаан дүүргийн 2700 халаалтын зуухыг бүртгээд ангилаад дууссан байгаа. Үүн дээр суурилаад 100 КВт-аас дээш хүчин чадалтай 290 зууханд утаа шүүгч суурилуулах ажил амжилттай хийгдсэн. Ингэснээр агаарт ялгарч байгаа утааны 60-70 хувь цэвэрлэгдэж байна. Энэ ажил дараагийн жилүүдэд үргэлжилнэ. Мөн уурын зуухнуудыг шатдаг хий рүү шилжүүлэх, нар салхины хүчээр ажилладаг шинэ технологийг нэвтрүүлэх арга хэмжээг авна.

100 КВт-аас дээш 500 орчим зуух байна. Гэхдээ тэр зуухнууд бүгд цаанаа тодорхой байгууллагуудыг халааж байдаг тул зогсооход хүндрэлтэй. Иймд богино ба дунд хугацаандаа шүүлтүүр суулгах замаар яндангаас гарч байгаа хар утааг 70-80 хувь буруулна. Мөн аймгуудын ДЦС-ууд дээр том оврын утааны шүүлтүүр суулгаж ажиллана. Аймгийн төвүүд дээр хотоос дутахгүй утаатай болсон байна. Үүнийг засах тал дээр ажиллаж байгаа.

Энэ шүүлтүүр нь БНХАУ-ын урдаа үйлдвэрүүдийн шүүлтүүрийг туршсан. Хуурай ба нойтон гээд хоёр төрлийн төхөөрөмжийг туршсан. Ингээд 4 сар туршаад үзэхээр 60 орчим хувиар хортой бодисын ялгарал нь буурсан.