Допинг хэрэглэсэн Заан Б.Пүрэвсайханы барилдах эрхийг өнөөдөр сэргээлээ

Допингийн эсрэг үндэсний төсвийнхөн 2017 оны арванхоёрдугаар сард зарим бөхөөс допингийн гэнэтийн шинжилгээ авсан. Нийтдээ 31 бөх шинжилгээнд хамрагдсан бөгөөд улсын гарьд Ө.Бат-орших, улсын заан Б.Пүрэвсайхан, улсын начин Э.Даш, аймгийн хурц арслан Б.Номиндалай, сумын заан С.Майнбаяр нараас допинг илэрч барилдах эрхээ хасуулсан юм. Б.Пүрэвсайханы “Б” шинжилгээнээс анаболик бүлгийн экзогений гаралтай андрогений стройд илэрсэн талаар өмнө  мэдээлж байв. Түүний барилдах эрх өнөөдөр нээгдэж байгаа юм байна.

Улмаар тэдний барилдах эрхийг хоёр жилээр хассан юм. Энэхүү хоёр жилийн хугацаа нь дуусч байгаа учраас Монголын үндэсний бөхийн холбооны тэргүүлэгчдийн хуралдаж улсын гарьд Ө.Бат-орших, улсын начин Э.Даш, аймгийн хурц арслан Б.Номиндалай, сумын заан С.Майнбаяр нараас барилдах эрхийг сэргээжээ.  Харин улсын заан Б.Пүрэвсайханы барилдах эрх ирэх хоёрдугаар сарын 1-нд сэргэнэ гэдгийг Монголын үндэсний бөхийн холбооноос мэдэгдсэн юм.  Учир нь, тэрээр А сорьцын шинжилгээний хариугаа хүлээн зөвөөрөөгүй учраас ийнхүү бусад бөхчүүдээсээ сүүлд барилдах эрх нь сэргэж байгаа ажээ.