Sars сарьсан багваахайнаас гарсан шиг, Коронавирус могойноос гарсан байж болзошгүй

Коронавирусын халдварын асуудлаар ЭМЯ-наас өдөр бүр албан ёсны мэдээлэл өгч байгаа. Өнхөөдрийн /2020.01.31/ мэдээллийг шууд дамжуулан хүргэж байна. 

Тоон мэдээлэл: Коронавирусын халдвар авсан хүний тоо- 9692, нас барсан-213, бүрэн эдгэрсэн- 171, сэжигтэй тохиолдол-15000, нэгдүгээр зэргийн хавьтагч-113 мянга

2020.01.30-ны өдөр нийт 18 хүн байснаас шинжилгээ хийгдэж байна. Сэжигтэй тохиолдлын тоо өнөөдрийн байдлаар 16 байна. Онгоцоор ирсэн, орон нутагт халуурсан зэрэг шинж тэмдэг илэрсэн байж болзошгүй тохиолдол бүрийг лабораторийн шинжилгээнд оруулж байна. ДЭМБ-ын толгой байгууллага хуралдаж "Олон улсын онц байдал" зарласан. Үүнтэй холбоотойгоор ХӨСҮТ-ийн ажлын хэсэг мөн бэлэн байдалд дөрвөн баг ажиллаж байна. Үүний ард найман баг ажиллахад бэлэн нөөц байна. 

Коронавирус нь анх 1960 онд оношлогдож байсан. Энгийн ханиаднаас эхлээд шинж тэмдэг нь ижил явагддаг, Мерс, Сарс зэрэг өвчнүүдийг үүсгэж байсан вирусын түүх нь ийм. 2019 оны энэ вирус судлагдаж байна. Дөрвөн дэд бүлэгт хуваагддаг. Эхний хоёр бүлэг нь өвчин үүсгэж байгаа мэдээ байна. Сарс өвчин бол сарьсан багваахайнаас, мерс нь тэмээнээс гарсан нь судлагдсан. тэгвэл шинэ вирус нь далайн гаралтай амьтан буюу могойноос гарсан мэдээлэл байна, эцэслэн тогтоогдоогүй эрдэмтэд ажиллаж байна.

25-30-ны өдрүүдэд халдвартай бүс нутагт аялахгүй байх зөвлөмжийг маш сайн хэрэгжүүлж байна. Найман боомтоор 6500 зорчигч хил гарч байсан бол энэ өдрүүдээс хойш 2500 болтлоо буурсан байна.