НЗДТГ: Орон гэргүй хүмүүсийг хамгаална, гэхдээ Буянт-Ухаад байршуулахгүй

Нийслэлийн Засаг даргын тамгын газрын хэлтсийн удирдлагууд цаг үеийн асуудлаар мэдээлэл хийж байна. 

Даваажаргал:

-НЗД-аас 108 дугаартай захирамж гаргасан. Үүний дагуу хязгаарлалт хийсэн. Тухайлбал, коронавирусээс сэргийлэх үүднээс нийслэлийн нутаг дээрх 04 цаг хүртэлх ажилладаг баар ресторан, паабуудыг 00 цагт хаадаг болгосон. Олон нийтийг хамарсан соёл, урлаг, спортын тэмцээн явагдахгүй. Мөн жагсаал зохион байгуулахгүй болсон. ЕБС, цэцэрлэгийн үйл ажиллагааг зогсоосон. Өнөөдөр ажиллаж байгаа сургууль, цэцэрлэг байхгүй. Хүүхдийн өдөр өнжүүлэх байрнуудын бүртгэл байдаггүй ч тэднийг зогсоох тал дээр ажиллаж байна.

Сургууль амарсан тул багш нарын ажиллуулахгүй байх чиг үүргийг өгсөн.

-Нарантуул болон зах, худалдааны төв, супер маркетуудыг хаах уу? гэсэн цуу яваад байна. Үүнээс болоод хүмүүс их хэмжээний хүнс худалдаж аваад үнийн хөөргөдөл үүсгэх нөхцөл бүрэлдээд байна. Өнөөдөр тийм захирамж гаргаагүй, гаргах нөхцөл бүрдээгүй. Сандарч, их хэмжээний хүн авч нөөцлөх шаардлагагүй.

Мөн Буянт-Ухаа 2 хорооллын подвалд орон гэргүй иргэдийг суурьшуулж нийгэмшүүлэх талаар ямар нэг шийдвэр гараагүй. Орон гэргүй хүмүүсийг хөлдөхөөс сэргийлэх арга хэмжээ авах талаар судалгаа явуулж байгаа нь үнэн. Гэхдээ тэр Буянт-Ухаад 3000 хүнийг аваачиж суулгах ямар ч тушаал, шийдвэр гараагүй гэдгийг хэлье.