Н.Номтойбаярыг түдгэлзүүлэх шаардлагагүй гэж үзэв

-Та ямар санал өгсөн бэ?

-Нууц шүү дээ. Гэхдээ Шинэ намаас өчигдөр мэдээлэл хийсэн: МАНАН бүлэглэл тодорхой хуйвалдаан явуулж байна гэж. Шинэ нам өөрийнхөө шийдвэрийг гаргасан. Одоо хуулийн дагуу асуудал шийдэгдээд явах ёстой байсан.

-Танай нам дэмжиж оролцоно гэсэн үг үү дэмжихгүй гэсэн үг үү?

-Энэ бол намын асуудал биш.

-Та сая “Нам шийдвэр гаргасан” гэж хэллээ.

-Намын зөвлөл дээр хуйвалдаан хийж байгаа эсэргүүцэж мэдэгдэл хийсэн байхгүй юу. Анхнаасаа 48 цагийн дотор шийдэх ёстой гээд хуульдаа бичсэн байгаа. Тэгэхээр энэ хугацаанд шийдэх ёстой. Хаашаа шийдэхийг яриагүй шүү дээ. Тэгэхээр энэ бол хууль зөрчсөн хэрэг байгаа биз? Түүнээс биш хуралдаан эхэлнэ гэсэн үг байхгүй шүү дээ.

Үүн дээр бид маш хатуу байр суурьтай байгаа. УИХ нь хуулийн хүрээнд ямар хариуцлага хүлээх ёстой байдаг юм түүнээ хүлээх ёстой.

-Хууль зүйн байнгын хороо хэдэн хүний бүрэлдэхүүнтэй хуралдсан бэ?

-13.

-Түдгэлзүүлэх үндэслэл нь хэр бодитой байна вэ?

-Үндэслэлийг тайлбарлах арга байхгүй шүү дээ. Прокурор өргөн барилаа тэр даруй бүгдийг дуудаж ирээд ирцээ бүрдүүлээд 48 цагийн дотор л шийдэх ёстой. Өөр ямар ч хуулийн гарц байхгүй. Дэлхийн бүх улс тэгдэг. Тэгээгүй учраас яалт ч үгүй хуйвалдаан. Ингээд байвал Монгол улсад хууль хэзээ ч хэрэгжихгүй.

-Байнгын хорооны саналын зөрүү хэд байсан бэ?

-1 саналаар. Нэг саналаар авч үлдсэн.