Улс орнууд Корона вирусын голомтоос иргэдээ шилжүүлэхээр ажиллаж эхэллээ

АНУ-ын Ухань дахь консулын газраас тус хот дахь иргэдээ эх орон луу нь буцаан татахаар болжээ. АНУ- ын иргэдийг тээвэрлэх онгоц Ухань хотоос Сан франциско хот ирэх Мягмар гарагт нисэх юм. БНХАУ дахь АНУ-ын ЭСЯ-наас  “АНУ-ын иргэдийн эрүүл мэнд, аюулгүй байдал тэргүүн зэргийн асуудал учраас халдварын голомтод байгаа иргэдээ улс оронд нь саадгүй буцаах тал дээр визний болон бүх төрлийн асуудлыг хурдан шуурхай шийдвэрлэх болно” хэмээн мэдэгдлээ.  

Мөн Франц улсын ГХЯ-наас вирусын голомтод байгаа өөрийн иргэдээ аюулгүй хэсэг рүү нүүлгэн шилжүүлэх автобус гаргасан ба шуурхай утас ажиллуулж эхэлжээ. Харин ОХУ-аас БНХАУ-д суугаа Элчин сайд болон Бээжин дахь консулын газраас Ухань хот болон Хэбэй мужаас иргэдээ шилжүүлэх боломжийг судлан, төлөвлөгөө гаргаж байгаа гэжээ. Бусад улс орнууд ч хил гаалиа чангатгах, орох гарах хөдөлгөөн хорих гэх мэт тодорхой арга хэмжээг авч  байгаагаа мэдээллэцгээж байна. БНХАУ-ын ГХЯ-ны Хэвлэлийн төлөөлөгч Хуа Чүн Ин “ Энэ талаар авч байгаа гадаад улс орнуудын арга хэмжээнд шаардлагатай бүхий л туслалцааг үзүүлж, хамтран ажиллахад манай улс нээлттэй байна” гэж мэдэгдсэн байна.