У.Хүрэлсүх Н.Номтойбаярыг намаас хөөх асуудлыг ч хөнджээ

УИХ дахь МАН-ын бүлэг нэг цаг гаруйн хугацаанд Н.Номтойбаяр гишүүнийг явуулах уу, авч үлдэх үү гэдгээр хуралдлаа. Хуралдаан хаалттай өрнөсөн бөгөөд элдэв маргаан гараагүй аж. УИХ-ын гишүүн Н.Номтойбаяр өөрийгөө буруугүйг нотолж үндэслэлүүдээ гаргаж тавьжээ. Харин МАН-ын дарга У.Хүрэлсүх түүнд хандаж өөрийн хүсэлтээр бүрэн эрхээсээ татгалзах өргөдлөө өг, нэрээ цэвэрлэж ав, УИХ-ын гишүүдийг энэ асуудалд хайрцаглахгүй кнопоороо шийд гэжээ. Үүний хариуд УИХ-ын гишүүн Н.Номтойбаяр бодож үзье гэж хариулжээ. У.Хүрэлсүх нэмж хэлэхдээ Н.Номтойбаярыг намаас хөөх асуудлыг хөндөнө гэжээ. УИХ-ын гишүүн Н.Номтойбаярыг Ж.Эрдэнэбат, Д.Хаянхярваа нар өмгөөлсөн байр суурьтай байсан бол Т.Аюурсайхан шүүмжилсэн байна. УИХ-ын Халдашгүй байдлын дэд хорооны дарга Ц.Нямдорж Т.Аюурсайханыг хүн чанартай бай, асуудлын учрыг ол хэмээн загнажээ. УИХ дахь МАН-ын бүлэг ийнхүү ямар нэгэн шийдвэр гаргалгүй тарцгаасан байна.