Их Британид эмч нар 340 граммтай дутуу төрсөн охиныг аварчээ

Изабелла Эванс гэгч охин 24 долоо хоногтойдоо кесар хагалгаар ертөнцөд мэндлэхдээ ердөө 340 грамм жинтэй байжээ.

2019 оны зургаадугаар сард төрсөн Изабелла нь Их Британийн түүхэн дэх хамгийн бага жинтэй дутуу төрсөн нярай болсон.

Изабеллагийн ээж 25 настай Ким Браун нь 2018 оны арванхоёрдугаар сард хөл хүнд болсон ч удалгүй жирэмсний үеийн ноцтой хурц хордлого илэрчээ. Улмаар 21 долоо хоногтойдоо хэт авиан шинжилгээнд ороход Изабеллагийн өсөлт нь зогссон гэсэн онош тавигдсан байна. Ингэсээр ургийн судасны цохилтын төө цөөрч эхлэхэд эмч нар кесар хагалгаа хийн гаргасан аж.

Эмч нар охиныг төрсөн цагаас нь кувез төхөөрөмжид бойжуулсан байна. Дээр нь Изабеллагийн гэдэсний хөгжлийн эмгэг илэрч гурван сарын дотор хоёр ч удаа хүнд мэс засалд орсны дээр нүдэнд нь лазер мэс засал хийсэн байна. Энэ мэтээр байдал тун хүнд байсан тул охиныг амьдарна гэсэн магадлал ердөө 5 хувь гэдгийг эцэг, эхэд нь дуулгасан байжээ.

Эмч нарын уйгагүй хичээл зүтгэлийн ачаар Изабелла охин эсэн мэнд бойжиж, өнгөрсөн оны Зул сараар гэртээ гарсан байна. Одоо тэрээр 6 кг жинтэй сэргэлэн охин гүйж явна.