Д.Эрдэнэбат сэтгүүлчдийг өрөөнийнхөө үүдэнд хоёр цаг гаруй хүлээлгэж байна

УИХ-ын дарга Г.Занданшатараар ахлуулсан УИХ-ын гишүүд Австрали улсын Сидней хотод айлчилсан юм. Айлчлалын бүрэлдэхүүнд багтсан УИХ дахь МАН-ын бүлгийн дарга Д.Тогтохсүрэн, УИХ дахь АН-ын зөвлөлийн дарга Д.Эрдэнэбат, Монгол Улсаас Австрали улсад суух онц бөгөөд бүрэн эрхэт элчин сайд Б.Чулуунхүү нарын тус хотын “Старс” казинод байгаа зургийг зариг.мн нийтэлсэн юм. Тэд 2020 оны нэгдүгээр сарын 17-18 нд шилжих шөнө тус газраар үйлчлүүлсэн бөгөөд Д.Тогтохсүрэн бооцоогоо тавиад хүлээж буй агшин фото зурганд үлджээ. Энэ асуудлаар УИХ дахь АН-ын зөвлөлийн дарга Д.Эрдэнэбатаас сэтгүүлчид мэдээлэл авахаар түүний өрөөний үүдэнд хоёр цаг гаруй хүлээж байна. Тэрбээр өрөөндөө уулзалттай байна гэдгээр хүлээлгэсэн байдалтай байна. Д.Тогтохсүрэнгийн хувьд төрийн ордон дахь ажлын өрөөндөө байхгүй байгаа юм.