Б.Баатархүү: Угаартсан иргэд яндангаа буулгасан байсан эсэхийг хэлэх боломжгүй

Энэ сарын 15-16-нд шилжих шөнө СХД-ийн 25-р хороонд оршин суух гэр бүлийн хосууд угаарын хийнд хордож, нөхөр нь болох 21 настай иргэн амиа алдсан. Харин эхнэр нь ухаангүй Хордлогын эсрэг үндэсний төвийн Сэхээн амьдруулах тасагт хэвтэн эмчлүүлж байна.

Хохирогч нарын ар гэрийнхэн “охиноо ухаан ортол хэл ам хийгээд яахав, гэхдээ энэ асуудлыг чимээгүй орхихгүй” гэсэн байр суурийг илэрхийлж байна. Хосууд ой гарантай нэг хүүхэдтэй бөгөөд азаар хүүгээ хөдөө явуулсан байжээ.

Харин энэ талаар нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Г.Нэргүй “Угаартсан хосууд яндангаа зуухнаасаа салган, өрхөө бүтээсэн байсан” гэдэг мэдээллийг яаран хийсэн. Өмнөх хэд хэдэн тохиолдолд яг ийм тайлбар хийж байсан учир иргэдийн дунд эргэлзээ, шүүмжлэл байна. Учир нь галаа түлчихээд яндангаа сугалах нь “амиа хорлож байгаа үйлдэл” гэдгийг хүн бүхэн мэдэх юм.

Тэгвэл энэ асуудлаар ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүүгээс зарим зүйлийг тодрууллаа.