Нийслэлийн прокурорын газраас сэтгүүлчдийг сүрдүүлсэн утгатай мэдэгдэл гаргажээ

Өмнө нь Зөрчлийн хуулинд байсан гүтгэх гэх заалтыг шинээр Эрүүгийн хуульд хамруулахаар өнгөрсөн долоо хоногийн баасан гаригт УИХ-аас баталсан. Сэтгүүлчдийг эрүүгийн хуулиар шийтгүүлэхийг МСНЭ нь хүлээн зөвшөөрч санал нийлээд уг хууль батлагджээ. Уг хууль батлагдаад дөрөв хонож байхад Нийслэлийн прокурорын газраас сэтгүүлчдийг сүрдүүлсэн агуулгатай мэдэгдэл гаргажээ. Тэд прокурорын байгууллагыг гүтгэвэл эрүүгийн хуулиар шийтгэнэ шүү гэсэн агуулгатай мэдэгдлийг гаргаад төд удалгүй албан ёсны цахим хуудаснаас устгажээ. Учир нь сэтгүүлчид тус байгууллагаас гаргасан мэдэгдлийг шүүмжилсэн юм.