Д.Сарангэрэл: Тэтгэврийн зээлгүй ахмадуудад нэг сая төгрөгийн ваучер олгохоор ярьж байна

УИХ дахь МАН-ын бүлэг яг одоо хуралдаж байна. Хуралдаанаар тэтгэврийн зээлгүй 194 мянган ахмадуудад нэг сая төгрөгийн ваучер олгох асуудлыг ажлын хэсгээс боловсруулсныг хэлэлцэж байгаа аж. Ажлын хэсэгт УИХ-ын гишүүн Д.Оюунхорол тэргүүтэй хүмүүс багтсан бөгөөд уг саналаа бүлгийн хурал дээр сая танилцуулсан байна. 

УИХ-ын гишүүн, Эрүүл мэндийн сайд Д.Сарангэрэл намын бүлэг дээр яригдаж байгаа хоёр асуудлын талаар мэдээлэл өглөө. 

-МАН нэр дэвшигчдээс нэг ч төгрөгийн хандив авахгүй. Сонгуулийн хуульд нэр дэвшигч, гишүүдээс хандив авч болно гэж хуульчилсан. Сонгуулийн пиарын сурталчилгааны мөнгийг түүнээс гаргана. Тэрнээс биш нэр дэвшигчдээс нэг ч төгрөгийн хандив авахгүй. 

-Тэтгэврийн зээлийн талаар?

-Манай намаас гарсан нэг ажлын хэсгээс тэтгэврийн зээлийг тэглэхдээ 6 сая төгрөгийн хязгаарлалт тавих саналаа өгсөн. Харин тэтгэврийн зээл аваагүй 194 мянган ахмад байна. Тэдэнд 1 сая төгрөгийн ваучер олгохоор яригдаж байна. Эцсийн шийдийг УИХ гаргана.