Б.Энх-Амгалан: Хятад иргэдээс авилга авсан гэх хэлтсийн дарга Х.Оргил-Эрдэнийг чөлөөлнө, АТГ сайн ажиллаж байна

ЗТХЯ-ны Авто замын бодлогын хэрэгжилтийг зохицуулах газрын Замын ашиглалт, засварын хэлтсийн дарга Х.Оргил-Эрдэнийг батлан даалтад гаргасан талаар бид өмнө нь мэдээлсэн.

Тэгвэл Х.Оргил-Эрдэнэд авилга өгсөн гэх хоёр Хятад иргэн түүнд авилга өгснөө хүлээн зөвшөөрсөн учир батлан даалтад гаргасан байна. Х.Оргил-Эрдэнийн өмгөөлөгч Б.Баатарсайхан хэлэхдээ "Авилга авсан зүйл байхгүй, хоёр Хятад иргэн өрөөнд нь орж ирээд боодолтой юм тавьчихаад гарсан, манай үйлчлүүлэгч юу байсныг нь мэдээгүй" гэх тайлбарыг өгсөн.

Эргэн сануулахад АТГ-ын Мөрдөн шалгах хэлтсийн ажилтнууд түүнийг БНХАУ-ын хөрөнгө оруулалттай “Хэйлонжиан жиньеи рөүд энд бридж” ХХК-ийн ажилтнаас 20,000 юаны авлига авч байхад нь арванхоёрдугаар сарын 30-ны орой үйлдэл дээр нь баривчилсан гэх мэдээлэл бий.

Тэгвэл энэ асуудлаар салбарын сайдаас зарим зүйлийг тодрууллаа.