УДШ-ийн Иргэний танхимын чадамжгүйгээс 1280 хэрэг “овоороод” байна

Улсын дээд шүүхийн иргэний танхимаар хэлэлцүүлэн шийдүүлэх хэргүүд шүүгчээ хүлээж, “овоорсоор” байна. Тодруулбал, 1280 хэрэг гацаад байгаа аж. Учир нь Ерөнхийлөгч бүрэн эрхийг нь түдгэлзүүлсэн 17 шүүгчийн тав нь УДШ-ийн Иргэний танхимын шүүгч нар байсан юм.

Тодруулбал, Г.Цагаанцоож – Улсын дээд шүүхийн шүүгч

Ц.Амарсайхан – Улсын дээд шүүхийн шүүгч

Д.Цолмон – Улсын дээд шүүхийн шүүгч

Х.Сонинбаяр – Улсын дээд шүүхийн шүүгч,  Иргэний хэргийн танхимын тэргүүн;

П.Золзаяа – Улсын дээд шүүхийн шүүгч нарын бүрэн эрх түдгэлзсэнээр тус танхимд гурван шүүгч “үлдээд” байгаа билээ. Ийнхүү таван шүүгчийн эрх түдгэлсэнээр гурван шүүгчтэй үлдэж, шүүх хурал явуулах чадамжгүй болоод байгаа юм. Иргэний танхим нь таван шүүгчийн бүрэлдэхүүнээр хэргийг 30 хоногийн хугацаанд хянан хэлэлцэх ёстойгоос ийнхүү 1280 иргэн чадамжгүй шүүхийн байдлаас болж, хэргээ шийдүүлж чадахгүй хугацаа алдаж байна.