Ц.Нямдорж: 100 гаруй сумыг экологийн цагдаатай болгох шийдвэр гаргалаа

Засгийн газрын хуралдаанаас гаргасан шийдвэрүүдийг танилцуулж байна.

Хууль зүй, дотоод хэргийн сайд Ц.Нямдорж арван аймаг, 100 суманд экологийн цагдаатай болгох Засгийн газрын шийдвэр гарсныг танилцууллаа. 

Уул уурхайн баялаг ихтэй газар экологийн цагдаа байх ёстой хэмээн үзсэн тул Цагдаагийн байгууллагын бүтцэд Экологийн цагдаагийн нэгж байгуулах шийдвэр гаргасан бөгөөд нийт 170 хүний орон тоотой байх юм. 

Экологийн цагдаа нь хүрээлэн буй орчныг хамгаалах, энэ төрлийн гэмт хэрэг, зөрчилтэй тэмцэх, урьдчилан сэргийлэх, байгаль экологид учрах хохирлыг бууруулах чиг үүрэгтэйгээр ажиллах бөгөөд байгаль экологийн хувьд эрүү, хэв журмын нөхцөл байдал хүндэрсэн, ойн сан бүхий болон хайгуул, ашиглалтын тусгай зөвшөөрөл эзэмшигч аж ахуйн нэгж, нөхөрлөл ихтэй Архангай, Баянхонгор, Булган, Дархан-Уул, Дорнод, Өвөрхангай, Өмнөговь, Төв, Сэлэнгэ, Хөвсгөл, Хэнтий аймгийн 74 суманд ажиллаж эхлэх юм.