Хийдээс дөрвөн бурхан хулгайд алдагджээ

Хөвсгөл аймгийн Цагаан- уул сумын төвд байрлах Pавданчойнхорол хийдээс өнгөрсөн арванхоёрдугаар сарын 29-30-нд шилжих шөнө дөрвөн бурхан болон шашны эд зүйлс хулгайд алдагдсан байна. Энэ талаар тус аймгийн Цагдаагийн газрын мөрдөгч, ахлах дэслэгч Б.Даваацэрэнгээс тодруулахад “хулгайч хийдийн вакум цонхыг түлхэн орж, 1937 оны үеийн зурмал бурхан нэг, 1990 оноос хойших цаасан бурхан гурав, цанзэрэг шашны эд зүйлсийг хулгайлсан. Дөрөв хоног мөрдөн шалгах ажиллагаа явуулж 23 настай иргэн Б-г сэжигтнээр татаад байна. Хулгайд алдагдсан эд зүйлс олдоогүй. Бусдад зарж, борлуулах бус нуусан байх магадлал өндөр байгаа” гэв.