Сурагчдын амралтыг сунгахгүй

Томуу, томуу төст өвчний дэгдэт их байгаатай холбоотойгоор сурагчдын амралтыг долоо хоногоор сунгах хүсэлтийг ЭМЯ-наас БСШУСЯ-нд хүргүүлсэн. Тэгвэл БСШУС-ын сайд Ё.Баатарбилэг “томуу, төст өвчин амбулаторийн үзлэгийн 15 хувьд хүрвэл сурагчдын амралтыг хойшлуулах зохицуулалттай. Одоогоор 10 хувьтай байна. Мөн өнгөрсөн жил элсэлтийн ерөнхий шалгалт эхэлсэн байхад сурагчид амраагүй байсан. Энэ нь амралтын хугацааг уртасгасантай холбоотой. Энэ мэт хүндрэл гардаг учир сурагчдын хичээллэх хугацааг тогтвортой байлгахыг зорьж байгаа. Тиймээс сурагчдын амралтыг сунгахгүй” гэв. Нийслэлийн ерөнхий боловсролын сургуулийн сурагчдын II улирлын амралт энэ сарын 13-нд дуусна.