АНУ-ын Элчин сайд живэр сахал ургуулах болсноо тайлбарлах ёстой болжээ

Өмнөд Солонгост суугаа АНУ-ын Элчин сайд Харри Харрис живэр гэнэт живэр сахал ургуулах болсон шалтгаанаа солонгосчуудад тайлбарлах шаардлагатай болсон тухай The Telegraph сонин мэдээлсэн байна. Америкийн Элчин сайдын живэр сахал нь хэд хэдэн сонирхолтой давхцалын улмаас солонгосчуудын дургүйцлийг хүргэсэн аж. Нэгдүгээрт, Харрис нь япон ээжтэй, америк аавтай, Токиогоос холгүйхэн төрж байсан хүн. Хоёрдугаарт, япончууд Солонгосыг цэргийн хүчээр эзлэн колони болгосноос хойш 1905-1945 онуудад арал дээр эзэн суун удирдаж байсан Японы найман амбан захирагч бүгд живэр сахалтай байжээ.Гуравдугаарт, Харри Харрис өмнө нь огт сахлаа огт ургуулж байгаагүй. Иймд Америкийн Элчин гэнэт живэр сахал ургуулахаар шийдсэн нь солонгосчуудын таагүй дурсамжийг сэдрээж, дургүйцлийг нь хүргэсэн аж. Элчин сайд энэ талаар тайлбар өгөхдөө цэргийн офицероос дипломат ажилтан болж, амьдралд нь эрс өөрчлөлт гарсныг тэмдэглэн өөртөө ямар нэг зүйл өөрчлөхөөр шийдсэн гэсэн байна. Харин ингэж өөрчлөгдөхийн тулд өсөж эсвэл залуужих боломжгүй байсан живэр сахал ургуулсан гэжээ. Улмаар Өмнөд Солонгост зөвхөн АНУ-ын эрх ашгийг төлөөлж байгаа гэдгээ онцлоод сахлаа хусахаас татгалзжээ.Харрис нь 2018 онд Өмнөд Солонгост суух Элчин сайдаар томилогдохоос өмнө АНУ-ын Тэнгисийн цэргийн хүчинд 40 жил алба хаасан адмирал цолтой хүн юм байна.