Хөлдөөсөн 15 үнэг, арван тарвага тээвэрлэж явсныг илрүүлэв

Хөлдөөсөн шар үнэг, тарвага, хярс тээвэрлэж, нийслэл рүү нэвтрүүлэх гэж байсныг цагдаагийн алба хаагчид илрүүлжээ. Тодруулбал, энэ сарын 18-нд Чингэлтэй дүүрэг дэх замын цагдаагийн хэлтсийн алба хаагчид гүнтийн замд хяналт шалгалт хийсэн байна. Энэ үеэр "Crown" маркийн автомашиныг шалгахад хөлдөөсөн шар үнэг 15, хярс хоёрыг тээвэрлэж явсныг илрүүлсэн аж. Мөн сонгинохайрхан дүүргийн замын цагдаагийн хэлтсийн алба хаагчид эмээлтийн товчоо орчимд "Kia Rhino" маркийн завхан аймгийн дугаартай автомашиныг шалгахад арван ширхэг хөлдөөсөн тарвага тээвэрлэж явсныг илрүүлж, холбогдох байгууллагад шилжүүлэн өгчээ.