''FINANCE ASIA'' ЭНЕРЖИ РЕСУРСЫГ ОНЦЛОВ

Finance Asia-гаас Азийн 2019 оны санхүүгийн топ хэлцлүүдийг нэрлэхдээ Монголоос Энержи Ресурсын бондыг онцолсон байна. 2019 оны топ хэлцлүүдэд Азиас нийт 18 орны санхүүгийн төслүүд шалгарсны дотор ийнхүү Монгол Улс багтжээ. Энержи Ресурс буюу Mongolian Mining Corporation нь 5 жилийн хугацаатай, 440 сая ам.долларын бондыг гадаад зах зээлд гаргасан нь тухайн оны хамгийн сайн хэлцлүүдийн нэг байсан гэж тодотгосон байна. Тус компанийн хувьд 2010 онд Монголоос анх удаа олон улсын зах зээлд хувьцаагаа гаргаж, Хонконгийн хөрөнгийн биржид бүртгүүлж байсан компани. Түүнээс хойш нилээд хэдэн удаа олон улсын зах зээлээс амжилттай санхүүжилт босгож байсан. Finance Asia нь дэлхийн санхүүгийн мэдээллийн чухал бааз агентлагуудын нэг бөгөөд жил тутам олон улсын санхүүгийн ертөнцийн онцлох үйл явдлуудыг нэгтгэж дүгнэдэг. Монгол Улсын хувьд энэ жагсаалтанд багтаж орсон нь гаднаас хөрөнгө оруулалт татах боломжид эергээр нөлөөлнө гэж санхүүгийн шинжээчид үзэж байна.