Сэрэмжлүүлэг: Бага насны хүүхдийг ууланд аваачин хүчиндсэн этгээдийг баривчлан, нэгжлэг хийж байна

Есөн настай охиныг хүчиндсэн хэрэг өнөөдөр гарчээ. Тодруулбал, Сонгинохайрхан дүүргийн Хамрын овоотой уулан дээр охиныг аваачин, хүчирхийлсэн байна. Хэрэгт холбогдогч этгээдийг цагдаагийн алба хаагчид илрүүлэн, баривчилсан бөгөөд яг одоо түүний машинд үзлэг, нэгжлэг хийгдэж байна. Хэргийг Сонгинохайрхан дүүргийн цагдаагийн Хоёрдугаар хэлтэс, Улсын мөрдөн байцаах газарт шалгаж байна.

Бага насны хүүхдэд бэлгийн хүчирхийлэл үзүүлэх нь Эрүүгийн хуулийн 12.1.4-т зааснаар шалгагдан, шийдэгддэг. Тодруулбал, бага насны хүүхдийг хүчиндсэн бол арван хоёр жилээс хорин жил хүртэл хугацаагаар, эсхүл бүх насаар хорих ял шийтгэнэ гэж заасан байдаг.

Гэмт этгээдүүд хаа сайгүй байх тул эцэг, эхчүүд хүүхдүүддээ тавих хараа хяналтаа сайжруулж, бага насны хүүхдээ хичээлд сургуульд нь байнга хүргэж өгч, авч байхыг сануулж байна.