ХУВИЙН ДУНД СУРГУУЛИУДЫН ТӨЛБӨР “ХАДАНД ГАРАХ НЬ”

Манай улсад 100 орчим хувийн дунд сургууль үйл ажиллагаагаа явуулдаг. Тэдгээр нь суралцах орчин болоод заах арга барилаасаа хамаараад төлбөрийн хувьд харилцан адилгүй байгаа. Хамгийн өндөр төлбөртэйд Хан-Уул дүүрэгт байрлах British school сургууль. Тэдний бага ангийн жилийн төлбөр 15 мянган ам.доллар бол хамгийн хямд төлбөртэй нь Баянзүрх дүүрэгт байрлах "Хөвгүүд" дунд сургууль юм байна. Бага анги гэлтгүй тэдний төлбөр нэг сая төгрөг.

Манай улсын дээд сургуулиудын төлбөр 2.5-4 сая төгрөгийн хооронд хэлбэлздэг. Жилдээ 300-500 мянган төгрөгөөр шахуу нэмэгддэг эдгээр сургуулиуд хувийн дунд сургуулийн хажууд төлбөрийн хувьд жижигдмээр.

Хувийн сургуулиудын төлбөрт хяналт тавих боломжгүй. Учир нь нэг хүний хувийн өмч учраас. Мөнгөний ханш унасан энэ үед энгийн нэг дунд сургуулийн төлбөр бараг нэг өрөө байрны үнэтэй тэнцэж байна.