Соёл урлагийн газрын даргаар дуучин Ч.Бат-Эрдэнийг томиллоо

Нийслэлийн соёл, урлагийн газрын даргаар нийтийн дуучин Ч.Бат-Эрдэнийг томилжээ. Ч.Бат-Эрдэнэ нь Соёл урлагийн их сургуулийн харьяа Соёлын дээд сургуулийн захирал болон тус сургуулийн салбар бүжгийн сургуулийн захирлаар ажиллаж байсан юм.

Өмнө нь тус газрын даргаар хөгжмийн зохиолч Н.Жанцанноровын хүү Ж.Дамдинцэрэн ажиллаж байсан бөгөөд хотын дарга С.Амарсайхан тушаал гарган, өнгөрсөн зургаадугаар сард ажлаас нь чөлөөлсөн билээ. Энэ талаар тэрбээр "Хэсэг бүлэг хүний эрх ашиг, хувийн сонирхол, худал гүтгэлэг, цуурхал, явуулгаар халагдаж байгаа тул шүүхэд хандаж, үнэн мөнийг нь тогтоолгож, эрхээ хамгаалж, нэр төрөө сэргээлгэх болно" хэмээн мэдэгдэж байсан юм.