ЗГ-ын хэвлэлийн алба: Ерөнхий сайд У.Хүрэлсүх автомашины татвар нэмэх асуудлыг эргэж харахыг үүрэгдэв

Өнөөдрөөс эхлэн машинтай жагсагчид НИТХ-аас гаргаад буй авто зам ашигласны төлбөрийг тав дахин нэмэгдүүлсэн шийдвэрийг эсэргүүцэн Сүхбаатарын талбай тойрон эсэргүүцэж байна. Ингэхдээ тэд авто зам дээр удаан хугацаанд зогсолт хийж, дуут дохиогоо хангинуулснаас авто замын ачаалал ихсэж, хотын төвийн түгжрэл нэмэгдээд байгаа юм.

Тэд нийгмийн даатгалын сангаас дутсан хөрөнгийг ард иргэдээс татвар нэмэх байдлаар бус шударга бусаар хөрөнгөжсөн зарим албан тушаалтнуудад хариуцлага тооцох замаар нөхөхийг шаардаж байгаа юм.

Энэ асуудлаар ЗГ-ын хэвлэлийн албанаас мэдээлэл өгөв.Тэрбээ "Ерөнхий сайд У.Хүрэлсүх өнөөдөр өглөө Хотын Дарга С.Амарсайханыг дуудаж үүрэг өглөө. Тодруулбал авто зам ашигласны татвар нэмсэн асуудлыг НИТХ-ын ээлжит бус чуулганаараа ахин хэлэлцэж шийд, хотын төсөвтөө тодотгол хий гэжээ."