Түлхүүр тааруулж автомашин хулгайлдаг 10-15 насны таван хүүхдийг саатуулжээ

Сүхбаатар дүүргийн нутаг дэвсгэр сүхбаатрын талбайн зүүн талд "Тоёота ист" маркийн автомашиныг насанд хүрээгүй хүүхэд жолоодож явсан зөрчил гарчээ. Тодруулбал,цагдаагийн албан хаагч өчигдөр 14.00 цагийн үед тус автомашиныг зогсоон шалгахад 11-15 настай таван эрэгтэй хүүхэд зорчиж явжээ. Тэдгээр хүүхдүүд оймсондоо олон тооны автомашины түлхүүр нуусан байсан нь шалгалтын явцад илэрсэн аж. Мөн тэд бусдын тээврийн хэрэгсэлд түлхүүр тааруулсан, асаалттай орхисон эзгүй автомашиныг удаа дараа хулгайлсанаа хүлээсэн байна. Тээврийн цагдаагийн албанаас харьяаллын дагуу сонгинохайрхан дүүргийн Цагдаагийн хэлтэст тээврийн хэрэгсэлийг зөрчил гаргасан хүүхдүүдийн хамт хүлээлгэн өгчээ. Хүүхдүүд энэ үйлдлээ "Пс тоглоомын газар руу явах, мөсөн коток руу явахдаа машин авч унадаг" хэмээн тайлбарлажээ. Тэдний унаж явсан "Тоёото ист" автомашин барилга байгууламж, автомашин болон ямар нэгэн биетийг шүргэсэн, мөргөсөн байдалтай, эвдрэлтэй байсан аж.