Хар тамхи зөөсөн дипломатч Б.Баттүшиг өөрийгөө тагнуулын тусгай ажилтан гэжээ

Монголын дипломат ажилтнууд их хэмжээний мансууруулах бодис тээвэрлэж байгаад саатуулагдсан талаар ТЕГ-аас мэдээлж байв. ТЕГ-ын Тамгын газрын дарга, хурандаа Э.Эрдэнэ хэлэхдээ "2019 оны тавдугаар сарын 03-ны өдөр Истанбул дахь Консулын газрын дэд консул Б.Баттүшиг, жолооч н.Эрдэнэбилэг нар Чех улсаас ХБНГУ-ын хилээр нэвтрэх үедээ дипломат албан машинтай саатуулагдсан. Энэ үедээ 70 кг героин төрлийн мансууруулах бодис тээвэрлэж явсан нь тогтоогдсон. Нэг ёсондоо үйлдэл дээрээ баригдсан" гэсэн.

Б.Баттүшиг болон н.Эрдэнэбилэг нарт холбогдох шүүх хурал арваннэгдүгээр сарын 25-ны өдөр ХБНГУ-д болж өнгөрсөн байна. Энэ үеэр Б.Баттүшиг "Би бол монголын тагнуулын нууц ажилтан, хар тамхины сүлжээ илрүүлэх гэж байсан юм" хэмээн ярьсан талаар тус улсын хэвлэлүүдэд мэдээлжээ.