Ж.ГАНБААТАР ГИШҮҮН ЭЭ, ТӨРИЙН ТҮШЭЭ ДЭЛГҮҮРИЙН БОССООС ӨӨРӨӨР СЭТГЭХ ЁСТОЙ

Өнгөрсөн УИХ-ын сонгуулиар хэвлэл мэдээллийн хэрэгсэлд хамгийн их мөнгө зарцуулж сонгогдсон нэр дэвшигч бол УИХ-ын гишүүн Ж.Ганбаатар. Тэрээр телевизүүдийн 2-5 сая төгрөгөөр үнэлэгддэг бүх нэвтрүүлэгт орж, өдөр шөнөгүй өөрийгөө сурталчилж байсан юм.

Ж.Ганбаатар гишүүнийг "Унагалдайн мухлаг"-т л орох дутуу байна гэж сонгуулийн үеэр шоглон ярьж байлаа. Тэрээр УИХ-ын гишүүн болчихоод санаа нь амрахгүй хэвлэл мэдээллийн хэрэгслүүдийг мөн л мөнгөөр угжсаар байна.

УИХ-ын байнгын хороо, УИХ-ын чуулганы нэгдсэн хуралдаан дээр ярьсан зүйлээ үзэгч олонтой өргөн нэвтрүүлгийн телевизээр долоо хоног алгасахгүй мөнгө төлж гаргаж байна. УИХ-ын гишүүд бүгдээрээ чуулганы танхимд хэлж байгаа үгээ мөнгө төлж гаргадаг бол 76 гишүүн 76-уулаа "Оргил" худалдааны төвийн босс шиг баян байх ёстой аж.

Төрийн ажил чихэр жимс зарж, рекламдахаас өөр гэдгийг МАН-ын ах, эгч нар нь аминчлан зөвлөөд өгөөсэй!

З.Ананд