АБДУЛ КАРИМ ХИЛЭЭР ШОНХОР ШУВУУ ГАРГААГҮЙГ МЭДЭГДЭВ

Монгол Улсын иргэн Абдул Карим шонхор шувууг хууль бусаар агнаж, хилээр гаргахыг завдсан болохыг цагдаагийн байгууллага илрүүлж, шүүхэд шилжүүлсэн тухай мэдээ олон нийтийн цахим сүлжээгээр тархсан. Абдул Каримын өмгөөлөгч өнөөдөр энэ мэдээллийг үгүйсгэж, ташаа мэдээлэл гэж тайлбарлалаа. Тиймээс иргэн Абдул Карим шонхор шувууг хууль бусаар агнасан гэх мэдээллийг нэр хүндэд нь санаатайгаар халдсан үйлдэл гэж үзэн цагдаагийн байгууллагаар шалгуулах хүсэлт тавьжээ. Цагдаагийн байгууллагаас уг мэдээлэл нь үндэслэлгүй болохыг шалган тогтоосон байна. Абдул Каримын өмгөөлөгч А.Мөнх-Өлзий "Уг мэдээлэлд Катар улсын иргэн Абдул Карим шонхор шувууг хууль бусаар барьж, хилээр гаргахыг завдсан гэх зүйлийг дурдсан. Энэ нь Катар улсын нэр хүндийг үндэслэлгүйгээр унагаасан, тус улсын иргэд манай улсын шонхор шувууг хууль бусаар барьж, хил гаргадаг гэх ойлголтыг олон нийтэд төрүүлэхүйц маш том алдаа болсон. Уг гэмт хэрэгт холбогдсон этгээд нь Катар улсын иргэн биш гэдгийг холбогдох албаны хүмүүс тогтоосон" гэсэн юм. Абдул Карим болон Катар улсын иргэн шонхор шувууны хууль бус ан агнуурт хамааралгүй гэдгийг ийнхүү түүний өмгөөлөгч мэдэгдлээ.