АМНАТ-ын хуулийг баталж, 90 гаруй тэрбум төгрөгийг буцаан авна

УИХ-ын чуулганы нэгдсэн хуралдаанаар ашигт малтмалын тухай хуульд нэмэлт, өөрчлөлт оруулах тухай хуулийг батлав. Тодруулбал, үндсэн хуулийн цэц аравдугаар сарын 30-ны өдрийн дөрөвдүгээр тогтоолоор ашигт малтмалын тухай хуулийн 47 дугаар зүйлийн 47.1 дэх хэсгийн "ашигт малтмал худалдсан, худалдахаар ачуулсан, ашигласан хуулийн этгээд нь ашигт малтмалын нөөц ашигласны төлбөр төлөгч байх ба АМНАТ--ыг худалдсан, худалдахаар ачуулсан, ашигласан бүх төрлийн ашигт малтмалын борлуулалтын үнэлгээнээс тооцож улсын төсөвт төлнө" гэсэн заалтыг хүчингүй болгосон. Иймд холбогдох албаныхан ашигт малтмалын тухай хуульд нэмэлт, өөрчлөлт оруулах тухай хуулийн төслийн боловсруулжээ. Уг асуудлыг өнгөрсөн баасан гарагийн чуулганы хуралдаанаар хэлэлцэж, үндсэн хуулийн цэцийн шийдвэрийг хүчингүй болголоо.

Энэ талаар УиХ гишүүн, Сангийн сайд Ч.Хүрэлбаатар "Цэцийн шийдвэрээр АМНАТ-ыг төлөх боломжгүй болсныг УиХ-аар анхны хэлэлцүүлгээр хэлэлцэж баталлаа. өнгөрсөн аравдугаар сарын 30-наас өнөөдрийг хүртэл авч чадаагүй байсан татвар буюу зөрүү мөнгийг нөхөж авах хуулийн заалтыг хуульд оруулсан. Ингэснээр өдөрт 4.6 тэрбум төгрөгийн АМНАТ төлөгдөхгүй байсныг засах боломж бүрдэж 90 гаруй тэрбум төгрөгийг буцаан авахаар болж байна. АМНАТ--ыг давхардуулан авсан гэх гомдол үндсэн хуулийн цэцэд очсон. давхардуулан авахгүй байх асуудлыг засгийн газрын хуралдаанаар баталж, хуулиндаа ч тодорхой заагаад өгчихсөн. давхардуулан олгосон гэх асуудлыг буруу шийдвэр гаргасан цэцээс тодруулах нь зүйтэй" гэв.