Н.Гантулга: УИХ-ын дарга бидэнтэй уулзахгүй гэлээ ч ард түмэн бидэнтэй уулзана

"Монголын үндэсний фронт"-ийнхны албан шаардлагыг Төрийн ордны гадна УИХ-ын даргын хуулийн зөвлөх Ж.Сүхбаатар, УИХ-ын Тамгын газрын хуулийн хэлтсийн дарга нар хүлээлгэн өгөх гэсэн боловч хүлээн авсангүй. Шаардлагад шаардлагын хариуг УИХ-ын даргын гараас авна" гэлээ.

“Монголын үндэсний фронт" хөдөлгөөнөөс өнөөдөр жагсаал хийхээр зарласан. Сүхбаатарын талбай дээр 11 цагаас болох уг жагсаалтай холбоотойгоор ТЕГ-аас “Монголын үндэсний фронт"-ынхонд албан бичиг хүргүүлжээ. Уг албан бичигт “Монголын үндэсний фронт" гэх албан ёсны бүртгэлгүй нэгдлийн удирдагчдын зүгээс Үндсэн хуульт төрийн байгууллын эсрэг үйл ажиллагаа явуулах, гишүүд дэмжигчдийг гэмт хэрэг үйлдэх нөхцөлийг бүрдүүлэх, гэмт хэргийн шинжтэй үйлдэлд олон нийтийг уриалах, өдөөн турхирах аливаа үйлдэл гаргахгүй байх"-ыг анхааруулаад хэрвээ ТЕГ-аас тавьсан шаардлагыг эс биелүүлж, гэмт хэргийн шинжтэй үйл ажиллагаа явуулах, гэмт хэрэг үйлдэх нөхцөлийг бүрдүүлэх, үүнд олон нийтийг уриалах, өдөөн турхирсан аливаа үйлдэл гаргах тохиолдолд тагнуулын байгууллагад хуулиар олгосон эрх хэмжээний хүрээнд зохих арга хэмжээ авахаа мэдэгдсэн байна.