Сургуулийн автобусууд бяцхан зорчигчидоо тээвэрлэж эхэллээ

Өнөөдрөөс эхлэн Улсын ерөнхий боловсролын 29 сургуулийн 3000 гаруй хоёроос тавдугаар ангийн сурагчдыг аюулгүй, шуурхай тээвэрлэж эхэлсэн байна. Сургуулийн автобус болгонд хүүхэд зохицуулагч ажиллаж байгаа бөгөөд өдөр хоёр ээлжээр сургуульд хүргэж, орой тарахад нь гэр рүү хүргэж өгөх юм байна. Улаанбаатар хотын хэмжээнд 33 чиглэлд сургуулийн автобус зорчиж байна. Сурагчдыг аюулгүй тээвэрлэж буй тал дээр Нийслэлийн Засаг даргын орлогч, Зам тээврийн асуудал хариуцсан төслүүдийн удирдагч Б.Отгонсүхээр ахлуулсан ажлын хэсэг өглөө эхний буудлаас эхлэн хөдлөхөд нь чиглэл болгон дээр хяналт тавьж ажиллаж байна

Бүх автобуснуудад байршил заах чип суурилуулсан байна. Ингэснээр эцэг эхчүүд хүүхдээ хаана, аль буудал дээр явж байгааг бүрэн хянах нөхцөл бололцоогоор хангасан. Мөн цаашдаа хүүхдүүдэд өөрсдөд нь байршил тогтоох чипийг цүнхэнд юм уу эд зүйлсэд нь байршуулахаар төлөвлөж байгаа юм байна. Мөн хүүхдүүдийг автобусанд орлоо гэхэд зургийг нь автоматаар даран эцэг эхчүүдэд мессежээр очдог, сургуульд нь орлоо гэхэд сургуулийнхан тэнд яг адилхан зургийг аваад эцэг эхүүд рүү нь явуулдаг гээд дэвшилтэд технологиудыг ашиглаад явж байгаа нь онцлог юм. Тийм учраас хүүхдүүд аюулгүй зорчих бүрэн боломжтой боллоо.

.