АБДУЛ КАРИМЫН НЭР ХҮНДЭД ХЭН ХАЛДАЖ БАЙНА ВЭ?

2017/04/25

Монгол Улсын иргэн Абдул Каримыг Катар Улсын иргэн, хууль бус наймаачин гэх мэтээр олон нийтийн хэрэгслээр гүтгэж нэр хүндэд нь халдаж байгаа талаар түүний өмгөөлөгч маргааш 12:30 цагт "Монгол ньюс" мэдээллийн төвд хэвлэлийн бага хурал хийхээр болжээ. Тэрээр өмнө нь Н.Энхбаяр хууль бусаар хувьчилж авсан гэгддэг "Улаанбаатар таймс" сонины газрыг дуудлага худалдаагаар 24 тэрбумаар худалдаж авахаар болж байсан ч энэхүү шийдвэрээсээ няцаж байсан юм. Анх долоон тэрбум 155 саяас эхэлж дуудсан үнийг тэрээр ийнхүү өсгөж өгсөн ч "Шонхрын наймаачин" гэх мэтээр зарим хэвлэлээр цоллуулаад авч амжсан.

Тухайн үед тус дуудлага худалдаанд есөн санал ирүүлсэн бөгөөд Абдул Карим худалдан авах эрхтэй болсон юм. Гэвч хэвлэлийнхэн түүнээс худалдан авсан газраа ямар зориулалтаар ашиглах талаар асуухад ганц ч үг ганхийгээгүй.

Араб гаралтай, монгол эхнэртэй тэрээр 60 орчим настай. Монголд ирээд 30 гаруй жил болж байгаа аж.

Харин манай улсын хуулиар бол гадаадын иргэн Монголд ирээд дор хаяж хоёр үеэрээ амьдарч байж Монголын иргэншилтэй болох ёстой гэж заасан байдаг аж. Гэвч Абдул Каримын хувьд 2012 онд Монголын иргэншилтэй болжээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна