Ц.ШАРАВДОРЖ: МАХН-ААС ЕРӨНХИЙЛӨГЧИЙН СОНГУУЛЬД Н.ЭНХБАЯРЫН НЭРИЙГ ДЭВШҮҮЛЭХЭЭР ТОГТСОН

МАХН-ын нарийн бичгийн дарга, гавьяат хуульч Ц.Шаравдоржоос дараах зүйлийг тодрууллаа.

-УИХ-ын гишүүн О.Баасанхүү "Бид Ерөнхийлөгчийн сонгуульд Гадаад хэргийн сайд асан Л.Эрдэнэчулууны нэрийг дэвшүүлэхээр ярилцсан" хэмээн хэвлэлээр зарласан.

-Би О.Баасанхүүгийн тэр яриаг сонссон.

-МАХН-аас Ерөнхийлөгчийн сонгуульд үнэхээр Л.Эрдэнэчулууны нэрийг дэвшүүлэх гэж байгаа юм уу. Зарим эх сурвалжийн мэдээллээр бол танай нам нэр дэвшигчээ хараахан тодруулаагүй байгаа гэх юм билээ?

-Энд нэг зүйлийг тодруулж хэлэхэд, бид ямар нэг хоёрдмол санаагүйгээр Ерөнхийлөгчийн сонгуульд МАХН-ын дарга, Монгол Улсын гурав дахь Ерөнхийлөгч Н.Энхбаярын нэрийг дэвшүүлье гэж тогтсон байгаа. Үүнийг бид хамт олноороо буюу намаараа ярьж байгаад шийдсэн юм.